有冇試過砌砌吓模型，唔見咗一兩件？ 又或者砌得太大力，整爛咗隻手或腳嘅關節？遇到呢啲情況，真係火都嚟！
多得3D打印嘅普及化，打印塑膠件唔再喺大廠級嘅專利，客人亦無須花時間去拍賣網站搵件。就好似以下呢個客人為例，睇下我哋點樣幫佢解決問題。
缺件問題
客人喺砌三一萬能俠時，失去了三件部件，其中兩件係連接背包與飛翼嘅連接件，另一件係肩膊上嘅釘。
呢啲件一般都好難可以喺拍賣網站上搵到，所以客人搵我哋幫手。
解決方案
經過溝通後，客人將相關部件寄畀我哋作參考，而我哋亦開始喺網上收集有關資料。
收到原件後，我哋開始量度部件的尺寸。
然後畫出3D圖案，再作第一次打印。
第一次打印出嚟嘅件，會作多方面嘅組合度測試，睇下會唔會太緊或太鬆。
測試後，如有需要，會喺3D構圖上加以改良，然後再作最後打印。
用同樣嘅程序，我哋亦都做埋肩膊上嘅釘。
最後，我哋打印咗三套補件畀客人。
結果
正所謂千金難買心頭好，客人能夠完成自己嘅作品，係對佢自己最大嘅鼓舞。能夠幫客人解決到問題，亦都係我哋提供補件服務嘅最大推動力，結果係有目共睹。
Comments