Side00 開張啦!!!

已更新:8月21日



各位師兄師姐好!適逢今日年初一,小弟喺度同大家拜個年。祝大家虎年快樂,萬事如意,財源廣進,龍馬精神,同最緊要係身體健康!希望新嘅一年亦都係疫情嘅最後一年。


新一年嘅開始,開網店同寫blog都係小弟嘅新嘗試。一路寄居於Carousell嘅我,賣了四五個月嘅模型玩具,一路相安無事。直至兩個禮拜前,我收到Carousell嘅通知,話會限制我嘅listing去到每月只得30個,除非畀錢。佢哋嘅改制真令我感到有畀人強姦嘅感覺。因此,我決定正式自立門戶,開始我新一頁的旅程。


其實早在Carousell賣野之前,我已有開網店嘅想法,但因Carousell人氣好,所以決定進駐Carousell,同打消了開網店嘅念頭。今次Carousell嘅改制,可能會影響到好多好似我咁嘅納米商戶,令我哋喺新冠疫情影響之下,再百上加斤,實在令人失望。但在商言商,我都會尊重佢哋嘅決定。雖然話自立門戶,但唔會完全退出Carousell,我仍然會利用我梗有嘅30個listing去擺出我店最好嘅產品。但如果各位師兄師姐想睇多啲好嘢,就要勞煩你哋過嚟我網店喇!



小弟將本店命名為Side00。對於高達粉絲嚟講,Side呢個字應該唔陌生。我希望喺嚟緊嘅將來,能夠帶更多好玩嘅模型玩具畀大家,成為你哋心目中嘅另一個太空殖民地。不過我個殖民地只有好嘢,唔會打仗。😉


購物優惠碼:SIDE00OPEN


小店新張期內,所有貨品一律九折出售(萬代產品除外)。結算時,用以上優惠碼就可以。購買形式會與Carousell相似,暫時不設信用卡購物,如有不便之處,敬請原諒!如果各位師兄師姐有意見想畀小弟,歡迎你哋留言!


150 次查看0 則留言
Side00Logo_icon_white.png

高達模型玩具、3D 樹脂膠改件、金屬改件和模型製作工具,應有盡有。